فيه تغيير في حياتي وسلوكياتي بقالي فترة كبيرة
وبصراحة وبدون كذب ولا إحراج
أنا أول مرة أحس بالتغيير باللي بيحصلي
بس اللي أنا عارفه كويس جداً
أن أنا في مرحلة تغيير جزئي لشخصيتي ولحياتي ولطباعي ولكل كياني
ويمكن كمان يكون تغيير كلي مش جزئي
الحكاية بدأت لما بدأ تفكيري يتغير
وأهدافي وطموحاتي كمان بدأت تتغير
للأحسن وللأفضل طبعاً
حاجات كنت بحبها وبحب أعملها من فترة بسيطة
أصبحت دلوقتي بالنسبة ليا مجرد شيء عادي
وحاجات كانت مش على دماغي وقليل أوي لما أعملها
أصبحت دلوقتي هي جزء كبير من دماغي
حتى طموحاتي وأهدافي كمان بدأت تتغير
حتى أفكاري ومشاعري تجاه أي شيء بدأت هي كمان تتغير
بدأت أحلم أحلام جديدة والأحلام اللي كنت بحلم بيها قبل كده
بقى ليها وجهة نظر تانية وكمان حسابات تانية
بالاختصار المفيد حياتي وكل كياني في تغيير
جايز فيه ناس قريبين مني حاسين بكده
وهما معايا كمان إن فيه تغيير لكل كياني للأحسن والأفضل
وبيشجعوني كمان أني أكون في أحسن وأفضل حال
وفيه ناس تانية بقى مش قادرين يفهموا أي حاجة مني
لدرجة إنهم معارضيني ورافضين التغيير ليا رفض نهائي
مش كده وبس
كمان عايزني أكون بنفس كياني اللي فات
ده حال القريبين مني
رغم أني عارف ومتأكد جداً إني
هخسر ناس كتيرة بسبب تغييري ده
ولكني متأكد وواثق جداً أني
هكسب ناس أكتر من اللي أنا هخسرها بسبب تغييري ده
أما البعيد عني بقى
فنفسي أنه يحس بيا ويشوف أنا وصلت لفين
وبعمل إيه كمان علشان أوصله ويكون معايا
بس ............ يا ترى هو حاسس إني بفكر فيه
يا ترى هو حاسس أني بتمناه
يا ترى هو حاسس أني نفسي يكون من نصيبي
ويفضل معايا لآخر عمري
أممممممممممممممممممممممممممممممممممم
أنا مش هقدر أرد على السؤال ده دلوقتي
لأني بصراحة شديدة مش عارف شعوره من ناحيتي إيه ولا بيفكر فيا كمان ولا لا ؟؟
المهم أرجع تاني لموضوعي
أني والحمد لله بدأت مرحلة جديدة من مراحل عمري
مرحلة بتغير كل حاجة فيا وبتغير كل كياني
وأتمنى من ربنا سبحانه وتعالى أنه يكون فعلاً تغيير للأحسن وللأفضل
ويكون فيه خير ليا ولكل اللي حواليا
وبإذن الله هيكون في خير كتير ليا
أما اللي حواليا بقى ؟؟؟ بصراحة مش عارف أقول إيه عليهم
لأن أنا مش معاهم
NOSHA
11 comments:
يل سيدى ألف مبروك على النيو لوك ألى من جوه
وأنشاء الله لقدام ديماً
الف مبروك يا عم نوشة على النيولوك الداخلي على راي في القلب
بس انت اية رايك يا ترى ينفع نتغير مرة واحدة من غير مقدمات
لازم نحضر للتغيير
في القلب
ربنا يخليكي على تعليقك الجميل وإن شاء الله القادم أحلى لينا كلنا
أشكرك على تعليقك
تحياتي ليكي
شمس حبيب قلبي
شكراً على تشجيعك وعقبال النيولوك بتاعك أنت كمان ... ولا هو مش جاي في سنته
وبالنسبة بقى للتغيير من غير ميعاد ده أحب أقولك أن فعلاً مفيش تغيير مرة واحدة كده
بس تلاقيك أنت مكنتش واخد بالك ولا حاسس بحاجة
مشاغلك كتير بقى .... الله يكون في عونك
تحياتي يا شمس
والله ألف ألف مبروك وعقبالالبكارى والهة أنا فرحتلك أوى وعقبال الحاجة والحج وأخواتك وانا وأنتا ورقصنى ياجدع ومن بابا ماما لام أدهم مناسبة خروج صاحبنا من الجيش وألف مبروك
وهما موش عايزينك معاهم والحاجة رشا جزرة بتسلم عليك والله عايزاك بالاسم وأوعى متروحلهاش علشان تبقى معاهم
المهم احساسك بايجابية تغيرك
يكون في محله
ويكون حكمك دا موضوعي وعقلاني
مش علشان انت مرتاح للتغيير دا وخلاص
لاننا احيانا بنركن بأرائنا
لما نجد فيه راحتنا
حتى مع احتمالية خطأه
واستعين باهل الثقة من حولك
وبعقلك ايضا بشرط
ان تحيده تماما قدر امكانك
واتمنى ان شاء الله
يكون تغيير للخير
ويارب تنعم بقرب من تتمنى
وتجد لديه مشاطرة لمشاعرك الجميلة اتجاهه
مهما كان بعده
محمود التابعي
واحد فاشل وملهوش هوية زيك ليه حق أنه يتريق على كلامي ..... وعادي الموقف بالنسبة ليا
تلاقيك كنت بتهيس وخربان كالعادة
وأنا دائماً أقول لا عتاب على الخربان والمسطول
ما علينا
شكراً لتعليقك وإن شاء الله يكون فيه تغيير للأحسن والأفضل وفيه خير كمان
أشكرك على تعليقك
تحياتي ليكي
nosha
انا معاك وعارف ان الانسان
كل سنه بتفوت من عمره بيتغير من كل شئ في اعماله وتصرفاته
وحتي في كيانه الشخصي
ويريت انك بتكون تتغير للأحسن
وليس للأقبح
تحياتي ليك
انا مش فاهمه ايه نوع التغير بس انا الي حاسيتو انك سعيدة بي و دا المهم و علي الي حواليكي الدنيا طرق تشوفي في كل طريق اشخاص جديده المهم السعاده فين و مافيش واحدة بالمشاعر و الرقه دي ما حدش يحس بيها بس كل حاجة تعوزيها هاتنوليها بس قولي يا رب و ادعيلي انول الي بتمناه
ندي
http://a7asessha3er.blogspot.com
Post a Comment