كل الموضوع ان نوشة رزع بوست لية هو مش معاهم
و شرح وجهه نظرة فقلت انا كمان اشرح وجهه نظري
و بالطريقة اللي بنحبها كلنا واحدة واحدة
انا عشان اعيش يبقى ايجابي يبقى سلبي
بقيت سلبى ضمنا حيتان البلد يدسونا بقيت ايجابي
يبقى احنا قدام حل من اتنين
يبقى تبع الحكومة يبقى تبع المعارضة
بقيت تبع الحكومة خير و بركة
بقيت تبع المعارضة
يبقى احنا قدام حل من اتنين
يا تبقى تبع حركة يا تبع حزب
لو تبع حركة يبقى معتقل وش و اضعف الايام علقة من الامن المركزي كل شهر
طب لو تبع حزب
اه يبقى احنا قدام حل من اتنين الحزب دة يا اما محظور يا اما مش محظور
لو محظور يبقى انا كل تحركاتي مرصودة بكاميرا اصلية عند الجهات المعنية
يعني ابقى مسيس يعني انافق نفسي و انافقكوا
طب لو حزب محظور
يبقى احنا قدام حل من اتنين
يا اما تعجبك مبادئه يا اما لا
عجبتك مبادئه خير و بركة
يبقى سعادتك من الناس اللي عمري ما بتفق معاهم و اللي قلت عنهم انهم تاريخهم غلط ( مع الاعتذار ) اسف يعني
نرجع بقى و نقول يا اما المبادئ دي معجبتكش
يبقى انت كدة شاب اصلي و زيي بالظبط
بس احنا كدة يبقى قدامنا حل من اتنين
يا نقعد ايدنا علي خدينا و نتقهر و نموت بالسكته
يا نعمل اضعف الايمان و ندون
مت يبقى الله يرحمك و يرحمني معاك قول امين
عملت اضعف الايمان
يبقى لازم تحط اسم للمدونة
و من الاسم دة تقول انت اية مبدئك
و عشيت اوصف مبدئي في كلمتين
لازم اقول انا اتبع البرنامج الفلاني
و لاني لا اتبع اي برنامج قلت
اجيب من الاخر و اقول
انا مش معاهم
---------------
شمس الزناتي
--------------
---------------
شمس الزناتي
--------------
19 comments:
و انا بقرا كان ادامى اختيارين اما انى اقفل المدونه بتاعك او انى اكمل
لو قفلت ده خير و بركه لو كملت ادامى حل من اتنين اما انى اكمل و اسكت من غير ما اعلق و ده خير و بركه او انى اعلق و اروح و را الشمس
هههههههههههههههههههه
حلوه اوى موضوع حل من اتين ده
شكرا لك
محمد مارو
انا بقى مع
اللي يحترم ادميتي
وعقلي
وحقوقي
لو موجود انا معاه
مش موجود ادينا بندور
وان شاء الله نلاقيه
لو ملقناهوش
يبقى هايجي اكيد بعدنا
واللي بعدنا هايلاقوه
واعتقد انك يا شمس مش عايز اكتر من كدا
وكلنا
مش عايزين اكتر من اننا نقدر نمارس انسانيتنا
ونحس بادميتنا
وتحترم عقولنا
وحرياتنا
اللي يوفرلي كدا
انا معاه
اللي
واللهى العظيم يا أبنى أنتى عقتنى
لأنك كلامك صحيح ميه فى الميه
ربنا يرحمنا برحمته
انت شكلك كه ادامك حل من اتنين يا تتحجب المدونه بتاعتك و تروح ورا الشمس بعد ما تترن علقه طبعآ
خليك مش معاهم و ابعد عن الشر و دونله
ههههههههههههههههههههههه
جامدة قوي فكرة البوست...
والتعليقات كمان بصراحة جامدة وفيه الشفا
بس على موضوع الأحزاب ده....
مش مهم تلاقي الحزب المتفصل على مقاسك يا شمس
المهم نتعلم الممارسة السياسية يكون شكلها ايه..وبعدين نبقى نشوف هنروح لأي فكرة و ندعمها
تعالى انت بس الجبهة...و اوعدك الترزي الي عندهم..هيظبطلك المقاس بتاع افكارك تماااااااااااام
و اهو برضة مكانك ورا الشمس
انا تهت فى النص وبعدين جبتها من الأول و...
ما علينا
المهم انت عايز تقول انك ماشى بدماغك مش تبع حد
بس على فكرة .. نصيحة اخوية (مش اخوانية)
لوحدك ولا حاجة ولا هتعمل حاجة
و زى ما قاله مش شرط علشان تشتغل فى عمل جماعى تكون زيهم 100% لكن فيه مبادىء مشتركة
على أى حال يا عمنا
لو انت مش معاهم
انا بقى معاهم
على فكرة انا حصلنى نفس اموضوع محمد مارو فعتبرنى متضامن مع تعليقه
بس انا مبخفش
احمد الجيزاوى
صباح التفاؤل يا عم شمس
هه معايا؟؟
صباح التفاؤل
maro
واضح انك اخترت ما تعلقش عشان مش طالبة معاك شمس
ما علينا
عاجبني فيكي الطموح و الامل و الصبر يارب تفضلي كدة على طول
و مش عايزين نتحرم من مرورك
في القلب
و الله العظيم انا ما بقيت اقدر استغني عن تعليقاتك
EmY
هو دة اللي انا بعمله ببعد عن الشر و ادونله
sokoothansawat
و الله عشان حضرتك انت بس
هروح حزب الجبهة و اشوف
omar مشروع بطل
من لهجتك و دبلوماسيتك عرفت انك معاهم
مدونه انا بحبك يا مصر
الجيزاوي
عارف انك مبتخافش و دة سر خوفي عليك
واحدة وخلاص
حاضر هسمع كلامك و اتفائل
هاني جابر
ان شاء الله نشترك
بوست حلو يا زناتى و الواحد عندما قراءه كان اماه طريقان
الاول بان يتنازل عن التعليق و يقول هوة جميل ورائع
و الثانى بان يتحدث فى الموضوع و انا اخترت الثانى علشان الانسان لابد له من خيار يسلكه و علشان يسلكه لابد ان يعرف اهدافه فانتا قولت انا مش معاهم و انا برده مش معاهم
عزيزى
اختك برده واحدة مش معاهم - وعلى مدار حياتى كل اللى قبلتهم كانوا برده مش معاهم ياااه سنين كتيرة عدت على فكرة ده لان مفيش حد مقتنع فعلا ان اللى احنا مش معاهم دول ذوى فكر او مبادىء- دول يا اما نوع بيدور على سلطة او نوع بيدور برده على سلطة وينحرق الشعب -شعب ايه ده كمان هوه ده بقى اللى هما نقصينه-طيب يبقى الحل ايه-فكرت فيها كتير مالقيتش حل
احلى راى سمعته ان الحكومة ذكيه واحنا شعب غبى -ما يمشيش مع الحكومه دى يبقى احنا محتاجين حكومه غبية علشان تمشى معانا-
بس يا خوفى احسن الحكومه الذكية تتخلص مننا وتموتنا-علشان تدور على شعب ذكى بمعرفتها
حنصبر لعل الله يجعل لنا مخرج-
ربنا فرجه قريب
ولك تحياتى
Post a Comment