شمس :هو انا لما اتجوز هختار بالعقل و لا القلب
الزناتي: لا بالعقل
شمس :لا بالقلب
الزناتي: لا بالعقل
شمس :لا بالقلب الزناتي: لا بالعقل
شمس :لا بالقلب الزناتي: لا بالعقل
شمس :لا بالقلب
شمس :لا بالقلب الزناتي: لا بالعقل
شمس :لا بالقلب الزناتي: لا بالعقل
شمس :لا بالقلب
الزناتي :خلاص استنى احنا نكلم شمس الزناتي يكتب السؤال دة على مدونة انا مش معاهم بتاعت نوشة و شمس الزناتي و يشوف الناس هتقول اية
شمس :اتفقنا ...........................بس.........................اصل
الزناتي : فية اية
شمس : الشاب الضريف
الزناتي : مين الشاب الظريف
شمس : اللي هيطلع يقول لا هختار بالاتنين الغقل و القلب معا
الزناتي : هنرد اقله عييييييييييييييييييييييييييييب لازم هتصقر في حق حد فيهم
شمس : و متفتيش يا ظريف
---------------
--------------
32 comments:
انا لو اخترت بالقلب هكون هوائى و شهوانى و شيطان فى صورة انسان
و لو اخرت بالعقل هكون جامد خالى من الاحاسيس و هتكون العمليه روتينيه اوى
يبئه الامر مش يتجكم كده
لا بالعقل وحده و لا بالقلب وحده و طبعا كده اكون بئيت الشاب الضريف اللى انت قولت عليه
استاذ مارو انا متأكد ان كل الناس نفسها تختار بالاتنين بس اكيد هتقصر في حق حد لازم
على فكرة علم النفس هو اللي قال كدة
انا مطريه اطلع ظريفه انا كمان
لازم الاتنين ادام احنا أدام حاله جواز مش حب
هو فعلا اكييد هنقصر فى حاجة م الاتنين وانا مقتنعه بده لسبب ان الحب وحده لايكفى
انا عن نفسى هختار بالعقل لان ويكتفى القبول مش لازم حب والحب بيجى بالعشرة بدل العكس
والله يا أخويا يا شمس أنا مش عارف أرد عليك أقلك إيه
لأني خلاص قررت في البوست بتاعي إني هختار بالعقل والقلب الاتنين مع بعض
مش بحاجة واحدة منهم
وبعدين أنت أكتر واحد عارف رأيي في الموضوع ده كويس جداً
تحياتي يا باشا
في القلب
مرسي جدا لزيارتك و اكيد هستنى رايك لو راجعتي نفسك
honda
يمكن دة اول مرة اشوف رد مقنع كدة بس دة لسة مش رايي
nosha
انا يا اما قلتلك اوعى تطلع ظريف
حبيبي شمس
بالعقل او بالقلب ما تفرقش لأن لو القلب حب العقل هيخلق السعادة و نت اللي عايزه انك تكون سعيد
و لو العقل فكر من غير قلب
العقل هيشوف مزايا هتخلي االقلب يحب
دة رايي
و على فكرة انا كان نفسي اشوف موضوع لنوشة عشان شكرة على استضافة اسمي عنده
لا بالعقل ولا بالقلب
بالنصيب يا شمس
اختار بروح الحب
والقلب بيحب زى العقل بالزبط
مرحبا
دي أول مرة أزور فيها مدونتك يا شمس وعلى ما يبدو فقد ربحت متابعا جديدا من متابعي أفكارك التي على ما يبدو لي فهي مفعمة بالحيوية ..
بصي يا شمس
السؤال يمكن صعب ينطرح بشكل تجريدي
انت حتختار بالعقل والا القلب
لأنه لو بصينا للموضوع بشكل تجريدي فالعملية عبارة عن انسجام الطرفين لصناعة القرار
يمكن تسألي كيف يعني ؟
وانا حقولك يا ستي
العين بتشوف وبترسل رسالة للعقل
الأذن بتسمع وترسل هية التانية رسالتها
كل دة ونحنا لسا ما عرفناش الشخص اللي قدامنا تماما
الرسائل تبدا تاخد منحنى تاني لما الكلام يدور بينك وبين الطرف التاني يعني اما تتسجل على انها ايجابية او سلبية
في حال كات ايجابية العقل يرسل رسائل للجسم ويبدا افراز الهرمونات اللي تخلي الجسم اما يتوتر او يرتخي والقلب اما يجفى او يدق قوي
ولما تنتهي الجلسة وتبدأ شمس الزناتي تحاكي شمس الزناتي
وقتها حتاخد بالاعتبار كل كلة تقالت وكل ردة فعل اتاخدت
وما فيكي توقفي وتقولي يا قلبي والا يا عقلي مين فيكم اللي اختار
ببساطة هية عملية تكاملية
متل لما الراجل والست بيجيهم طفل وبيبقو يتقاتلو ابن مين فينا !!!
كل التحية لك وبتمنى زيارتك لمدونتي
أم المييس
WWW.OMELMEES.BLOGSPOT.COM
بص يا سيدى
بالرغم من انى لسه ماجربتش الموضوع ده لكن بتهيالى انها لو بالعقل مافيش حد هيعملها
ولكن لو بالقلب انا معاك لكن مش معاهم
تحياتى ليك ياشمس
وسلام
هههههههههههه
انا عن نفسى مش ظريف
وبقولك ان المسألأة ملهاش دعوة لا بالقلب ولا العقل
يعنى كل الحكاية ان الموضوع مش بيدك
ده بييجى كده لواحده
وده اذا كنت ناوى تتجوز عن حب
اما اذا كان جواز مصلحة يبقى خلاص
مقدماكش غير العقل
السلام عليكم
استاذ خالد
و الله رايك فعلا مقنع و ان شاء الله نوشة يبقى يشكر حضرتك بنفسه
ابن يسري
مفيش حاجة بتمشي غري بالنصيب
بس لازم نفكر برضة
نيرفانا رايك انت كمان جميل جدا و ان شاء الله في بوست مخصوص هنشر كل الاراء الصحيحة دي
مجموعة حياه
رايك طبيا ممتاز بس بجد
احنا كنا محتاجين الراي الاجتماعي بس انتي رايك برضة مفيد
و على فكرة انا شاب مش بنت
محمد جادو
شكلك بتأيد القلب مع انك مجربتش و كدة يبقى
1/0 للقلب
استاذ مؤمن محمد
انت بصراحة اول راي يخصص
القلب في حاله و العقل في حله
بس نورت المدونة
صراحة بدك تعذرني
اولا لأن خيالي ما أسعفني لأتخيل الشمس ذكرا
وثانيا بسبب مواضيعك التي قليلا ما يتداولها الذكور
فذكور المدونات تراوحوا بين الاخبار السياسية و الرياضية و اليومية
ومع هذا فأسعدني التعرف الى مدونة حضرتك والتعليق فيها
وبالمناسبة أنا بنت مش شاب
"و اطمن لازم تنجح و تفوز " كل التحية لك :)
أم المييس
ا+1=2
العقل+ القلب=الاختار الصحيح
احمد الجيزاوى
السلام عليكم ورحمه الله وبركاته
بصراحه انا هطلع ظريفه ومش ظريفه في نفس الوقت
طب ازاي؟؟
اولا اخي في الله لما الواحد او الواحده بيفكر انه يتأهل ويخش دنيا-معرفش هما بيقولوا كده- بيبقي اكيد حاطت مواصفات للطرف التاني..واعتقد ان المواصفات ديه بتكون بالعقل..يعني بيفكر في كل صفه حلوه ..وهتريحه في حياته ..وعايزها في اللي هيعيش معاه
وبعد كده لو لقي مثلا حد بيقولوا علي واحده ..او لقت هي واحد متقدم لها وفيه مثلا حاجات من اللي هيا او هو عايزينها..بيقول طيب اتعرف عليها واشوفها واعرف افكارها...هنا بقي يبدا القلب والراحه النفسيه اللي بيتقال عليها قبول تتدخل في الموضوع..ولو تمت الموافقه فده مش لان العقل اختار لوحده او القلب لوحده..بس لان الاتنين اتفقوا..لان بالعقل مش ممكن هتلاقي انسان كامل..وبالقلب هتلاقيهم هما الاتنين بيكملو بعض
اتمني تكون وجهه نظري وصلت
عارف يا شمس باشا
انا كنت اول تعليق
ويدوب خلصت وكتبت تعليق اد كدا طول وعرض
ويقوم الباور بتاع الجهاز يفصل
يللا دا نصيب
المهم بقى
انا فاكرة اول حاجة كتبتها يومها
قلت لك ممكن تكون الشابة الظريفة مش الشاب الظريف
ويا سيدي
انت لو حبيت وطبيت كدا من غير مناسبة
يبقى قلبك اختار
وممكن يكون اختار انسانة مفيهاش كتير من فتاة احلامك بس تفاجأ انك بتحبها
ومالوا
ساعتها بقى تستعين بالمدعو عقلك
يعني تساله
هل يمكن التجاوز عن اللي مش فيها من فتاة احلامك
هل التعايش معاها و ممكن ومحتمل وبنسبة كام
نوازن بقى بين عيوب ومميزات
وكل قلبك ما ييجي يدخل
تفرمله شوية تقوله استنى بس
ما انت السبب في الليلة دي كلها
ومن هنا لهنا توصلوا لحل
ويبقى الاستفتاء كدا
الى حد ما ديمقراطي
بلاش سيرة الديمقراطية دي
بس القلب هايبقى طبعا واخد اعلى من 51 % يعني هو بقى صاحب السبق والوقعة
واذا بقى فضلت كدا
من غير ما تطب واصبح من اولوياتك انك تتزوج
يبقى عقلك بقى هو اللي بيبدا ينشط ويتحرك
لانك بتكون بتبحث عن وجة وانت نفسيا مش مرتبط
فبحثك بيكون عن مواصفاتك اللي انت عايزها
وتلاقيها مثلا بنسبة عالية
تقول كويس
تيجي بقى مخبط على قلبك صحيه وقوله احضرنا
وتشوف بقى مدى راحته لها
ولو النسبة معقولة نتوكل
ويبقى العقل حائز على نسبة اعلى من 51 % وتبقى البيعة دي تبعه
يعني يا باشا ممكن تختار باي واحد فيهم
بس لازم التاني يدعم الاختيار دا
رغيت انا كتير انا عارفة
سلام بقى
مجموعة حياة
عذرك معاكي و لا يهمك
محمد جادو
واضح انك انحزت للقلب
تحمد الجيزاوي
متتطلعش الشاب الظريف
الشهيدة
بصراحة واضح ان كلامك هيكون مقنع
ما علينا
مبدئيا مرسي اني كنتي هتكوني اول تعليق
ما علينا
بصراحة تعليقك منطقي بحت
لا و بالنسب
العقل يوصل للقلب
بمعني اختار بعقلي اولا
وان لم يحدث وفاق بين العقل والقلب
ابتعد
افضل
لان اختيار شريك العمر
بيحدد مصيره الاتنين معا
انا مش هغفر وهسامح مش هضحي واتعب الا لو حبيت بالقلب
وفي نفس الوقت
حسن الخلق والتدين والالتزام وانك تكون بيت محترم بيتطلب انك تستخدم العقل
اذن
ان لم يتحدا معا
او ان لم تستطع ان تجعلهم في وفاق
فمن رايي ان تختار بالقلب
بالحب
لان الحب يبدل العقل
او القلب يبدل العقل
اي وجود حب كبير طاهر كفيل بان يغير في النفس الكثير والكثير
وفي الاول والاخر
كلنا خاضعين
للقدر
والنصيب
بس المهم
نرضا
اللهم ارضنا بقضاءك واغننا بفضلك عن من سواك
بطة بكر
مرسي جدا على تعليقك و واضح انك اخترتي بالعقل
و كدة يا جماعة نقدر نقول اني هطلع الشاب الظريف و اقول بالعقل و القلب
Post a Comment