أخبار انا مش معاهم : نوشة وشمس يهنئون كل الشعب المصري والمدونين خاصة بقرب حلول عيد الفطر المبارك ويارب يكون العيد كله فرحة وسعادة للناس كلها

Friday, August 31, 2007

أنا مخنوق







أنا مخنوق



ــــــــــــ



طبعاً أي حد هيرد عليا ويقولي ليه



مالك .... خير فيه إيه ؟؟؟؟



حرد على أي حد وأقوله



والله العظيم أنا مش عارف مالي فيه إيه



أو حتى مخنوق من إيه



مرة واحدة كده وبدون سابق إنذار



لقيت نفسي مخنوق وقرفان من كل حاجة



لأكبر الأسباب أو حتى أتفه الأسباب



وبدأت كمان من خنقتي



أني أخنق اللي حواليا



وبرده لأكبر الأسباب أو لأتفه الأسباب



حاجات كتير أوي أصبحت بتضايقني



حتى من سماع سيرتها أو إسمها



أو حتى كمان وصفها



وأفعال بقت غريبة عليا وبقيت بكرهها



ولو أني كنت بعملها قبل كده



لحظات بتيجي عليا ببقى فرحان ومبسوط



وطاير بالدنيا كلها



ولحظات تانية بتيجي عليا ببقى حزين ومكبوت



والدنيا كلها غلط حواليا



مبقتش عارف فيه إيه ؟؟؟
ولا حتى أعمل إيه ؟؟؟؟



ويا ترى هل أنا صح ولا أنا غلط ؟؟؟



برده مش عارف



بس اللي خلاص عرفته وقررته



أني لازم أنزعل وأبقى لوحدي شوية



بعيد عن كل الناس القريب منهم والبعيد



علشان أقدر أجمع دماغي وأفكاري من جديد



وأعرف ........وبعد كده أقرر



أنا صح ولا غلط



وفي الوقت ده طبعاًمش قادر أقرر



أو بمعنى أصح مش عارف أقرر



هل أنا صح ولا غلط ؟؟؟



وهل دي مرحلة عادية بسبب تغييري



ولا أنا بقى خلاص محتاج دكتور نفسي



أتمنى أني أعرف هل ده شيء طبيعي ولا إيه ؟؟؟



ـــــــــــــــــــــــــــــــــــــ



NOSHA



ــــــــ






Monday, August 27, 2007

المال و البنون



المسلسل دة يا جماعة بيعجبني جدا

و اللي خلاه يعجبني اكتر ان الواد اسامة و الواد تامر

اصحابي الانتيخ بيقولولي سعات كتير يا يوسف يا وريث

هقلكوا على مشهد بيعجبني اوي في المسلسل دة

لما عم عباس الضو قال ليوسف : يا بني دة ما سرقش الخواجة دة سرق البلد بحالها سرق مصر سرق قوت الغلابة و سرق اثار مصر

جملة جامدة اوي كان عايز يبين فيها قد اية المصيبة اللي عملها الحج سلامة

عشان يرد علية يوسف ان انت لما اتسترت علية كانت مصيبتك اكبر

و يقوله : ما انت شاركته و اديتوا نصيبك خد هو المال و خدت انت الذنب يا عم عباس

يعني بدل ما عندنا مصيبة مهرب لا و مصيبة متستر علية

تحت اي اسم صداقة اخوة زمالة برضة مفيش مبرر

بس اللي بجد بيضايقني في المسلسل ان الحكومة ما رجعتش الاثار دي

و انا كان نفسي اشوف الاثار دي شكلها اية

على العموم الحكومة في الموضوع دة معزورة

خارجة من ناكسة و شايلة الطين

و الله معزورة

بس الحمد لله احنا دلوقتي عارفين ان معندناش الا شوية نكسات داخلية

عشان كدة بقى لو الحاج سلامة ظهر تاني سنة 2007

الحكومة هتعرف تجيب منه الاثار على طول

هي الحكومة ترضى اثار بلدنا تتهرب برة

لا طبعا ما ترضاش

مش كدة و لا اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طب انت رايك من رايي و لا اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انت معاهم و لا اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا معاك

مش معاهم

---------------

شمس الزناتي

--------------

مرحلة جديدة من عمري




فيه تغيير في حياتي وسلوكياتي بقالي فترة كبيرة


وبصراحة وبدون كذب ولا إحراج


أنا أول مرة أحس بالتغيير باللي بيحصلي


بس اللي أنا عارفه كويس جداً


أن أنا في مرحلة تغيير جزئي لشخصيتي ولحياتي ولطباعي ولكل كياني


ويمكن كمان يكون تغيير كلي مش جزئي


الحكاية بدأت لما بدأ تفكيري يتغير


وأهدافي وطموحاتي كمان بدأت تتغير


للأحسن وللأفضل طبعاً


حاجات كنت بحبها وبحب أعملها من فترة بسيطة


أصبحت دلوقتي بالنسبة ليا مجرد شيء عادي


وحاجات كانت مش على دماغي وقليل أوي لما أعملها


أصبحت دلوقتي هي جزء كبير من دماغي


حتى طموحاتي وأهدافي كمان بدأت تتغير


حتى أفكاري ومشاعري تجاه أي شيء بدأت هي كمان تتغير


بدأت أحلم أحلام جديدة والأحلام اللي كنت بحلم بيها قبل كده


بقى ليها وجهة نظر تانية وكمان حسابات تانية


بالاختصار المفيد حياتي وكل كياني في تغيير


جايز فيه ناس قريبين مني حاسين بكده


وهما معايا كمان إن فيه تغيير لكل كياني للأحسن والأفضل


وبيشجعوني كمان أني أكون في أحسن وأفضل حال


وفيه ناس تانية بقى مش قادرين يفهموا أي حاجة مني


لدرجة إنهم معارضيني ورافضين التغيير ليا رفض نهائي


مش كده وبس


كمان عايزني أكون بنفس كياني اللي فات


ده حال القريبين مني


رغم أني عارف ومتأكد جداً إني


هخسر ناس كتيرة بسبب تغييري ده


ولكني متأكد وواثق جداً أني


هكسب ناس أكتر من اللي أنا هخسرها بسبب تغييري ده


أما البعيد عني بقى


فنفسي أنه يحس بيا ويشوف أنا وصلت لفين


وبعمل إيه كمان علشان أوصله ويكون معايا


بس ............ يا ترى هو حاسس إني بفكر فيه


يا ترى هو حاسس أني بتمناه


يا ترى هو حاسس أني نفسي يكون من نصيبي


ويفضل معايا لآخر عمري


أممممممممممممممممممممممممممممممممممم


أنا مش هقدر أرد على السؤال ده دلوقتي


لأني بصراحة شديدة مش عارف شعوره من ناحيتي إيه ولا بيفكر فيا كمان ولا لا ؟؟


المهم أرجع تاني لموضوعي


أني والحمد لله بدأت مرحلة جديدة من مراحل عمري


مرحلة بتغير كل حاجة فيا وبتغير كل كياني


وأتمنى من ربنا سبحانه وتعالى أنه يكون فعلاً تغيير للأحسن وللأفضل


ويكون فيه خير ليا ولكل اللي حواليا


وبإذن الله هيكون في خير كتير ليا


أما اللي حواليا بقى ؟؟؟ بصراحة مش عارف أقول إيه عليهم


لأن أنا مش معاهم


NOSHA


Tuesday, August 21, 2007

و الله مش معاهم


كل الموضوع ان نوشة رزع بوست لية هو مش معاهم

و شرح وجهه نظرة فقلت انا كمان اشرح وجهه نظري

و بالطريقة اللي بنحبها كلنا واحدة واحدة


انا عشان اعيش يبقى ايجابي يبقى سلبي

بقيت سلبى ضمنا حيتان البلد يدسونا بقيت ايجابي

يبقى احنا قدام حل من اتنين

يبقى تبع الحكومة يبقى تبع المعارضة

بقيت تبع الحكومة خير و بركة

بقيت تبع المعارضة

يبقى احنا قدام حل من اتنين

يا تبقى تبع حركة يا تبع حزب

لو تبع حركة يبقى معتقل وش و اضعف الايام علقة من الامن المركزي كل شهر

طب لو تبع حزب

اه يبقى احنا قدام حل من اتنين الحزب دة يا اما محظور يا اما مش محظور

لو محظور يبقى انا كل تحركاتي مرصودة بكاميرا اصلية عند الجهات المعنية

يعني ابقى مسيس يعني انافق نفسي و انافقكوا

طب لو حزب محظور

يبقى احنا قدام حل من اتنين

يا اما تعجبك مبادئه يا اما لا

عجبتك مبادئه خير و بركة

يبقى سعادتك من الناس اللي عمري ما بتفق معاهم و اللي قلت عنهم انهم تاريخهم غلط ( مع الاعتذار ) اسف يعني

نرجع بقى و نقول يا اما المبادئ دي معجبتكش

يبقى انت كدة شاب اصلي و زيي بالظبط

بس احنا كدة يبقى قدامنا حل من اتنين

يا نقعد ايدنا علي خدينا و نتقهر و نموت بالسكته

يا نعمل اضعف الايمان و ندون

مت يبقى الله يرحمك و يرحمني معاك قول امين

عملت اضعف الايمان

يبقى لازم تحط اسم للمدونة

و من الاسم دة تقول انت اية مبدئك

و عشيت اوصف مبدئي في كلمتين

لازم اقول انا اتبع البرنامج الفلاني

و لاني لا اتبع اي برنامج قلت

اجيب من الاخر و اقول

انا مش معاهم


---------------
شمس الزناتي
--------------






Tuesday, August 14, 2007

جاءنا البيان التالي

بسم الله الرحمن الرحيم
جائنا البيان التالي " قرر رؤساء و ملوك و سلاطين و امراء الدول العربية عقد قمة طارئة بالقاهرة في غصون اسبوع من اذاعة البيان لمناقشة و تقرير توحيد جميع الدول العربية كدولة واحدة تحت اسم واحد و علم واحد و من ثم مناقشة ما يترتب علية من
توحيد الجيوش العربية و عمل عمله موحدة و عمل برنامج انتخابي عادل على مستوى القطر العربي لاختيار الحاكم
و قد ذكر اغلب الحكام العرب بعد نشر البيان على ان من اهم الدول التي ستنضم و تكون دلايات داخل الدولة العربية الواحدة هي العراق و سوريا و فلسطين و الاردن و مصر و السعودية مع باقي الدول العربية "
انتهى البيان
تفتكروا ممكن في يوم في شهر في سنه نسمع البيان دة
ساعتها
انا هبقى معاهم
-------------------
----------------

Thursday, August 9, 2007

لا إله إلا الله محمد رسول الله










بداية ..... كلامي ده لا يوجد به مساس بأي نوع من الديانة المسيحية



ولكني يا جماعة بناقش موضوع بوصفي شاب مسلم



وأرجو محدش يفهم كلامي غلط .......................................



الموضوع اللي هتكلم فيه مش عارف أبدأه منين



لإن المشكلة مش مشكلة فرد ولا جماعة



لكنها مشكلة أمة بحالها



الشاب المصري البورسعيدي محمد حجازي المسلم



ارتد عن الإسلام وتحول للمسيحية على أيدي بعض من جماعات التبشير في مصر



واللي تقريباً أصبحت موجودة كتير أوي في وقتنا ده


عن طريق الإغراءات والفلوس



ومش عارف ده حصل إزاي ................... ولا حتى حصل ليه



يا ترى إيه اللي وصل الشاب ده لكده ووصل إزاي للكفر ده



للدرجة دي خلاص مبقاش فيه عقيدة عند بعض الشباب المسلمين



خلاص بقى سهل أوي أي حد يلعب بدماغهم



خلاص الإغراءات والفلوس والنزوات بقت هي كل حاجة في حياة بعض الشباب



لدرجة أنها تخليك تسيب دينك



دين الإسلام الحق



وترتد لأي دين تاني



مش عارف أعبر وأقول إيه ؟؟؟



لساني عاجز عن التعبير عن حزني



أحكام الدين بتقول أنه



يستتاب ..................... أي يعرض عليه التوبة



ولكن إذا رفض فيقتل .................... وتقوم دار الإفتاء والأزهر بهدر دمه



وده مش كلام العلماء أو المشايخ ولكنه كلام سيدنا



محمد صلى الله عليه وسلم



وعايز أختم كلامي أقول يا شباب المسلمين



خدوا بالكم من عقيدتكم



وخدوا بالكم من حياتكم



إحنا مستهدفين فوق الوصف ومحتاجين إننا



نقف واقفة واحدة مع بعض



وتكون عقيدتنا راسخة



ولو أي حد فينا شايف التاني غلط ينبهه ويقعد معاه



علشان الموضوع ده ميتكررش تاني أبداً



وأخيراً ....... حسبنا الله ونعم الوكيل



على فكرة ........ لأي حد يقرأ البوست أنا مش شيخ ولا واعظ ولا أي حاجة



أنا شاب عادي وبعمل كل حاجة زي أي شاب بالظبط



ولكني خايف على ديننا دين الإسلام



وخايف على شبابنا



أما أي حد يفكر في حاجة تانية أو دماغه تروح لبعيد ساعتها بقى هقول طبعاً



أنا مش معاهم




NOSHA

Thursday, August 2, 2007

بالعقل و لا القلب


بصوا بقى يا جماعة كل الموضوع ان شمس الزناتي و شمس الزناتي قعدوا مع بعض و قالوا لبعض

شمس :هو انا لما اتجوز هختار بالعقل و لا القلب

الزناتي: لا بالعقل

شمس :لا بالقلب

الزناتي: لا بالعقل
شمس :لا بالقلب الزناتي: لا بالعقل
شمس :لا بالقلب الزناتي: لا بالعقل
شمس :لا بالقلب

الزناتي :خلاص استنى احنا نكلم شمس الزناتي يكتب السؤال دة على مدونة انا مش معاهم بتاعت نوشة و شمس الزناتي و يشوف الناس هتقول اية

شمس :اتفقنا ...........................بس.........................اصل

الزناتي : فية اية

شمس : الشاب الضريف

الزناتي : مين الشاب الظريف


شمس : اللي هيطلع يقول لا هختار بالاتنين الغقل و القلب معا

الزناتي : هنرد اقله عييييييييييييييييييييييييييييب لازم هتصقر في حق حد فيهم

شمس : و متفتيش يا ظريف


---------------


--------------

GOOGLE