كنا قد اتفقنا انا صديقاي و التابعي و نوشة على ان نظل دوما مش معاهم حتى كانت مدونتنا انا مش معاهم لكن
لو كل ما هنتكلم عن حد هنقول انا مش معاهم
امال احنا مع مين ؟؟؟؟؟؟
سؤال دق بابي كثيرا و لكنى رفضت الاجابة علية
حسيت بخوفهم من كل اللي بيشفوه و يسمعوه
خوف و رهبة من كل حاجة
من الامن المركزي و من الاجهزة الامنية من كل حاجة
خوف على المستقبل اللي لسة مش عارفينه و خوف على الحاضر اللي لسة مش عايشينه
و على الجنب التاني انا شايف شباب في حب بلدهم قدوة و مثل
زي عبد المنعم و عمر و نوارة و طارق
انا مش عايز انسى حد
يعني دلوقتي فية وجهتين نظر في حب البلد
نظرية بتقول انا بحب مصر و انا في حالي و نظرية بتقول انا بحبك يا مصر و فداكي لاخر العمر لازم تطلعي و نطلع معاكي
يا ترى انت مع اي نظرية فيهم ؟؟؟؟؟؟؟؟؟؟؟؟؟؟؟؟؟؟؟؟
انا شخصيا من بعد ما كتبت
فطبعا وجهه نظري كدة اتعرفت
ها انا مع اي جنب ؟؟؟؟؟؟؟؟؟؟؟؟
و يا ترى انت مع اي جنب يا ريت تقول
و العموم برضة لسة المدونة على مبدئها انا مع جنب و الجنب التاني انا مش معاهم
------------------
------------------
8 comments:
انا مع اي حد نفسه يغير البلد للاحسن
بس علشان اتكلم بصراحه
انا مش معاهم بس في حالي
ممكن يكون خوف
بس عمر بلدنا مهتتغير بالمظاهرات
علشان تتغير لازم مظاهره يكون فيها عشرين مليون بني ادام
غير كده عمرها مهتتغير
أنا معاك
في إني مش معاهم
نفسي أعمل حاجة
و يا ريت الاقي مدخل من مكاني هنا و أعمل حاجة لمصر
يا ريييت
منى
الاستاذ محمود على
انا مش بدعو للمظاهرات و لا العصيان و لا اي حاجة
انا بدعو لعمل ايجابي بناء موحد
و يارب نقدر نفيد البلد
الاستاذة منى
واضح ان تفكيرنا في حب البلد واحد
و ياريت كلنا نقدر نعمل حاجة لمصر
حبيب قلبي شمس كل واحد مننا ليه فكر وليه عقيدة بس الأهم أن الاختلاف في وجهات النظر شيء طبيعي وموجود في كل الدنيا
ولو في كل الدنيا وجهات نظر واحدة ومبادئ واحدة شوف بقى هيبقى حل الدنيا إيه ؟؟؟
أنا سايب الإجابة ليك أنت
وحشتني يا نوشة فعلا و وحشني قلمك الجميل اللي مش هيبطل كتابة
و عايز اقلك
ان انت صح الاختلاف بينا موجود اهم حاجة ان احنا نمشي في الطريق الصح
انا مع البلد دي
مع كل ناسها
مع اللي بيقول باعلى صوته انا فداكي
ومع اللي نفسه يقول بس خايف
ومعاه حق يخاف
الحاجات اللي تخوف ترعب مش تخوف وبس
واكيد الاوضاع هاتتغير
ان شاء الله
والغضبانين اللي بيقولوا فداكي بعلو صوتهم
عددهم بيزيد
ونقول يارب
و عددهم زاد واحد بيكي و صدقيني انا شايف ان اللي بيحبوا البلد دي اكتر من اللي بيكرهوها
Post a Comment