كل بوست بنكتبه تلاقي في آخره أنا مش معاهم
محدش علق وسألني معناه إيه هو أنت مع مين ؟؟؟ ومين اللي أنت مش معاهم ؟؟؟
اللي أنا معاهم هو
الصدق
والإخلاص
والأمانة
والحب
والسلام
وكل حاجة حلوة في دنيتنا الواسعة
أما بقى اللي مش معاهم فهو
الظلم
والقهر
والخيانة
والعدوان
وكل حاجة وحشة تفسد دنيتنا الحلوة
بس للأسف لما تيجي تبص وتدور في دنيتنا لازم تلاقي كل شر وكل ظلم
ويوم تيجي تقول لا
حرام عليكم كده
تلاقي مليار صوت يرد يقولك ده صح أنت اللي غلط وأنت اللي شيطان
وتلاقي نفسك بقيت من واحد بيقول كلمة الحق
تتحول لواحد بيقول كل غلط وكل نفاق
وكل ده ليه
علشان متلقيش نفسك تهت في سكة كلها ظلمة وتلاقي الجحيم
وعمرك ما حتشوف النور أبدآ إلا بمزاجهم وأمرهم
بس أنا إيه اللي يخليني أبقى في الحال ده والموقف ده ؟؟؟
أنا ورايا أهل يموتوا لو حصلي حاجة
غير لما هيجروا ورايا
وحياتهم تبقى مرمطة وحزن
علشان كده أنا بقى مش معاهم
برده محدش هيسألني مش مع مين ؟؟؟
هقول مع أهلي الغلابة اللي تعبوا وسهروا علشان يربوني ويعلموني
علشان كده
خليني في حالي أحسن
لأني أنا مش معاهم ؟؟؟
3 comments:
عندك حق يا صاحبي
عندك حق في كل اللي بتقولة
انت صحيح عايز تعرف الناس انك مش معاهم
ماشي انت فعلا مش معاهم
لكن البطولة و حب مصر يخلينا دايماً نقول كلنا مش معاهم
و هم مين زي ما انت قلت اللي عايزين يفسدوها و يتلفوا املها
والله يا سيدي الفاضل
يا ريت نبقى كلنا مش معاهم
جميلة مدونتك
متميزة جدا جدا
ماشاء الله عليك
وغضافة أنا مش معاهم في كل
post
شيء جميل...و بكررها لحضرتك تاني
أنا كمان معاك
في غني مش معاهم
منى
أشكرك جداً يا منى على ردودك الجميلة وتشجيعك الجميل وأتمنى أن ناس كتير تكتب وتقول وجهة نظرها على الأقل الشباب تشوف كلامنا كلنا جايز وممكن يفهموا ويفوقوا من الي عايشين فيه ولتاني مرة ألف شكر ليكي ولتعليقاتك
Post a Comment