عندي شعور غريب مش قادر أوصفه ما بين الحب والغيرة والخوف والإحساس بالخيانة
بحن ليها دائماً ومش قادر اتخيلها مع واحد غيري
وخايف أني أرجع ألاقي نفس الحكاية
ألاقي الغدر والخيانة
ألاقي الحب من ناحيتي أنا بس
طبعاً ده إحساسي لوحدي
بس المشكلة أني كل قلبي بيقولي أرجع
بس فكري وعقلي وخوفي بيمنعوني أني حتى أفكر في الرجوع
ياترى ممكن مين يتغلب على مين ؟؟؟
فكري وعقلي ............ ولا ............ قلبي وحبي
بحبها حب مالهوش حدود ولا ليه آخر
بحبها بكل كياني وهي كل حياتي
بس إحساس الغدر والخيانة جوايا بيقولي أبعد وأنسى اللي ناسيك
فكر في اللي جاي وأبعد عن ماضيك
ماضيك اللي جرحك وخانك وسابك وحيد مع أحزانك
يا ترى أبعد وأنسى ................. ولا ............. أقرب وأدافع عن قلبي وحبي
أنا بجد محتار وفي تناقض كبير فكري وعقلي وقلبي مشغولين
وكل حاجة فيهم في وادي
مش قادر أفكر أو آخد قرار بين قلبي وفكري وعقلي
مش قادر آخد قرار أو أكون مع مين
لأن المرة دي بقى أنا معاهم
7 comments:
حاسة بكل كلمه بتقولها
احساس بيوجع قوى
احساس بامتهان لكرامتك و مشاعرك
و فى نفس الوقت احسا بالحب و الغيرة
عذاب
بس الى لازم تعمله انك تفكر بعقلك
عقلك هو الصح
انما تفكير قلبك وهم ,,, وهم كبير مش هيسببلك غير الجراح و الالم ان سببلك حياه و سعادة دلوقت هيسببلك الم و جرح تانى بعدين
تحياتى لك
شكراً لزيارتك الأولى لينا يا رانيا
وبشكرك جداً على ردك الجميل ده أنا فعلاً محتاج ردود بجد مش تعليق وخلاص محتاج أعرف أتصرف إزاي
وألف شكر ليكي ولزيارتك الجميلة دي
مش عارفة اقولك ايه فعلا بس انا حاسة بلكامك اوى وفاهمهاه جدا
هى عايزاك تسامحها؟ انت حاسس انها بتحبك؟
اللى بيحبك بيسامح
حاول تسامحها وتنشى اللى فات لو انت شايف انها حقيقى ندمت على انها جرحتك
صدقنى اللى تاه ورجع لوطنه هايتمسك بيه
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Se você quiser linkar meu blog no seu eu ficaria agradecido, até mais e sucesso. (If you speak English can see the version in English of the Camiseta Personalizada. If he will be possible add my blog in your blogroll I thankful, bye friend).
هاقولك حاجة
لو فعلا حصل غدر وخيانة سابقا
يبقى بلاش تنفق حبك في غير محله
وبلاش تنفق كرهك في غير محله برضوا
الحب والكره طاقة ثمينة جدا
من الاخر
ابعد وانسى
ودور على حب جديد
يديك اد ما تديه
اللي بيبيع مرة
سهل جدا يبيع الف مرة
وزي سومة بتغني
اصون كرامتي من قبل حبي
في النهاية
الانسان ما هو الا كرامة
لو ضاعت منه يبقى اطلال انسان
تحياتي
نوشة و الله وحشتني و نفسي اقعد معاك مش بقيت اعرف اخبارك الا من النت
مش ممكن بس حقيقي يا نوشة انا هقلك حاجة
ارجعلها
سلام عليكم
أشكرك جداً على ردك بس للأسف أني مش عارف أنها ندمت وعايزة ترجع ولا لا لأن الكلام ده إحساسي أنا مش من ناحيتها
ما علينا
عندك حق فعلاً الغدر والخيانة لو حصلت مرة تحصل ألف مرة وأنا فعلاً حاولت أني أبعد وأنسى وأبدأ من جديد بس بصراحة خفت جداً أني أظلم إنسانة معايا مفيش ليها يد في اللي حصلي وأكون ساعتها خسرت مرة تانية ساعتها بس مش هعرف أعمل إيه
شمس
حبيبي والله أنا معاك بس المشكلة مش عارف أبدأ إزاي ومنين وخايف جداً من الحقيقة المرة وأنت عارف إيه هي الحقيقة المرة اللي أنا خايف منها
Post a Comment