أخبار انا مش معاهم : نوشة وشمس يهنئون كل الشعب المصري والمدونين خاصة بقرب حلول عيد الفطر المبارك ويارب يكون العيد كله فرحة وسعادة للناس كلها

Friday, December 28, 2007

تاج النمر و الصقر

التاج ده جالنا من ايمي و كوكا



من مدونة كلو ماشي



احنا كمان بالمرة هنقتبس طريقة الاجابة



ده لون اجابات نوشة و ده لون اجابات شمس
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
ملحوظة :ــ أحب أقول إني أول مرة أرد على تاج لأني بصراحة مش متعود إني أرد على التاجات



ولكن نظراً لإنه جاي من إيمي وكوكا فمقدرش إني مردش على التاج



وبالنسبة لأول سؤال :ــ كان المصريين هيبقوا صعبانين عليا من الظلم والفساد اللي موجودين فيه



وكان هيبقى نفسي أعمل أي حاجة ولو بسيطة جداً لإصلاح الفساد في مصر



لو مكنتش مصري او عربي هبص للعرب و المصريين و اقول



اتفووووووووووووو على ناس اتولدت ربنا وهبها نعمه العروبة و المصرية و مش مقدرنها



عشان لو اي مصري او عربي لو مقدر النعمة دي كان حب وطنه اكتر من كدة




لوكنت أوروبي أو غير مسلم هتبقي إيه نظرتك للعرب والمسلمين؟



أنا أفخر جداً إني مسلم وبالأخص عربي ولو صادفني مجرد الصدفة إني مكنتش مسلم أو مكنتش عربي



وبنفس طبيعتي وشخصيتي كنت هقول إن المسلمين مش عايزين غير السلام والحب مع كل الناس



وبالنسبة للعرب هقول عليهم إنهم راضخين للأوامر السياسية المحيطة بيهم من غير أي مقاومة أو اعتراض



كلمة الشيخ محمد عبده او الشيخ الشعراوي معرفش مين اللي قالها الاول عندما سافروا اوربا



رايت في بلاد الغرب اسلام بلا مسلمين و في بلاد العرب مسلمين بلا اسلام
لوقالولك إنت بقيت رئيس جمهورية هتعمل إيه؟



هحل كل القوى السياسية في البلد اللي بحكمها وهمحي الفساد اللي موجود بكل أشكاله وصوره



وهنزل للناس بنفسي أبقى بينهم أشوف همومهم ومطالبهم واللي بيحلموا بيه وبيتمنوه وخاصة الشباب



وهحاول بكل الطرق أشيل فرق الطبقات الموجودة بين الناس



ولن أرضخ أو أتهاون في أي قرار فيه مصلحة للبلد دي تحت أي ظغط كان



يالهوووووووووووووووووووووووي



اول حاجة و دة لازم هعتقل نوشة



و بعد كدة الغي الاحزاب كلها



و اعمل حزب واحد زي الحزب الاشتراكي ايام عبد الناصر



و شروط دخول الحزب شرطين



اولا: مدة العضوية لا تزيد عن سنتين



ثانيا : لازم العضو يبقى عاطل




لوسمح لك برؤية الرسول عليه الصلاة والسلام وإنك تقوله كلمة واحدة ؟



اللهم بلغنا صحبتك الشريفة



عشان ما ينفعش اقول الا كلمة واحدة



فانا هفضل اعيط و عشان الكلام اللي عندي كتير



و صلي الله علية و سلم من دموعي هيفهم كل كلمة عايز اقولها
لو كنا في عصر ازدهار الأندلس كنت تتخيل نفسك إزاي؟



فارس من الفرسان الأقوياء الواقفين ضد أي حروب أو ظلم أو فساد
يعني ممكن تقول زي



حسن ابن الهيثم



ابن رشد
لو خطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟



موضوع الإنجاب ده بيد الله وحده ولو ده قدري وقدرها مع بعض يبقى قدر الله وما شاء فعل



ولكن برده هعرض عليها إني أتجوز تاني ويكون الجواز ده برضاها وتكون هي اللي جايباها ليا كمان



علشان ميكونش في الجواز ده ظلم ليها أو ظلم ليا
لو هي البنت فعلا اللي بتمناها يعني مش جواز تقليدي



هتجوزها بسرعة لازي عارف انه مش ذنبها



و هنأمل في كرم الخالق ثم العلم و العلماء
لو طلعت القمر هتكتب عليه ايه؟
ليت كل ما يتمناه المرء يدركه



من شمس الزناتي المسلم المصري الي الكون



اللهم اني ادعوكم للايمان بمعاني الانسانية



بمعاني الاسلام



بمعاني المصرية



مع تحياتي



شمس الزناتي



( و الله مش قصير و لا حاجة )



لو مررت التاج لحد وماجاوبش هتعمل ايه؟



أنا عن نفسي مش هقدر أقول أي حاجة لإني مش بجاوب على تاجات من الأساس



هرفع ايدي للسما و اقول تشوف اللي انا شايفة دلوقتي و النت يقطع عندك بسبب الحكومة
تمرر التاج لمين












-----------------------
نوشة شمس الزناتي

10 comments:

بنت الاسلام said...

اول مرة تاج يعجبني قوي كدة

وحقيقي ردودكم رائعة

ربنا يحميكم وتحققوا كل الي بتحلموا بيه في الدنيا والاخرة

واوعدكم اني همرره

مقدرش علي قطعة النت الصراحة

تحياتي

ربنا معاكم

Anonymous said...

تحياتي تاج
الي قريتو منكم يفرح ياتاج بس لاتتراجعوا بوسط الطريق مثل كثير غيركم
الاماني بالعمل تتحقق لكن العمل راح يواجهكم مع شياطين الارض
بس لاترهبكم هاي الشياطين الله معاكم
موفقين بس هدو شوية لاتروحوا بعيد كثير

تحياتي
نوئيل عيسى
28/12/2007

حسن مدني said...

الحقيقة كلام جميل،
وردود لطيفة، بس هي ايه مشكلتكم مع الأحزاب السياسية؟، مع أني أظنكم من دعاة الحرية والديموقراطية،،
ملاحظة، كلمة "وجدت عندهم إسلام بدون مسلمين، وعندنا مسلمين بلا إسلام" للإمام محمد عبده
تحياتي

Coca said...

ايوا كدا يقدر حد فيكوا ميرودش علي التاج دا انا كنت .......

بهزر طبعا

ردودك جميله ولو ان شمس بيفكرني بايمان
داخل يعتقل اعز اصاحبه

ونوشا ابن حلال اجاباته هاديه كدا

كلام لوجيك said...

مدونتك دسمة جدا ونشاطك التدوينى ملحوظ
اشكرك على زيارتك التى اتاحت لى الفرصة للتعرف على مدونتك اكثر

اسمح لى ان اقول لك ان اجاباتك للتاج تغلب عليها الدبلوماسية .. او لنقل الحماسة الزائدة
ولكى اوضح لك ما أقصده .... عندما اجبت على سؤال
لوكنت أوروبي أو غير مسلم هتبقي إيه نظرتك للعرب والمسلمين؟
طبعا كلنا فخورين بعروبتنا واسلامنا
ولكن عندما تتواجد وتنشأ فى مجتمع اروبى .. ولا تسمع ولا تشاهد الا كل ما هو مسيء للاسلام والمسلمين من خلال الميديا اليهودية الجبارة هناك
فلن تكون نظرتك للمسلمين فى محلها
او بمعنى اصح لن تكون نظرتك للامور موضوعية

وفى النهاية حتى لا اطيل عليك يمكننى القول انى قد استمتعت بهذا البوست كثيرا وانشاء الله لن تكون تلك الزيارة هى الأخيرة

خالص مودتى

ابن رشد said...

بنت الاسلام
هستني ردك على فكرة لسة النت عندي مقطوع

الشريف / جمال طة said...

سؤال الى الكونجرس ألأمريكى والمنظمة الدولية لحقوق الانسان

أين حقوق الانسان والديمقراطية من الأتجـــار بالبشر والعبوديـــــــــــة فى المملكة العربية السعودية
تحت أسم نظام الكفالة المقيت متـى تتحرك أمريكا والاتحاد ألأوروبى ومنظمات حقوق الانسان فى العالم لالغاء نظام الكفالة والاتجــار
بالبشر للقضــــــــــــــــــــاء على الارهاب والتطرف فى العالم


http://gamal51.blogspot.com

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

daktara said...

الردود كويسة جدا وعجباني
انا لو بقيت رئيس جمهورية بلدنا
مش هاخد غير قرار واحد فقط
شوف القناعة بقي
وهو
الغاء الجمهورية واعلان الملكية
وتنصيبي الملك الحاكم للبلاد والعبيد
تحياتي
د. خالد عزب

mohammed alsha3r said...

قال اخوانى بس بحبه قال

ماشى يانووووووشه لما اشوفك

ومش مجاوب بقى على التاج ايه رأيك

Anonymous said...

liltagrit [url=http://wiki.openqa.org/display/~buy-cipro-without-no-prescription-online]Buy Cipro without no prescription online[/url] [url=http://wiki.openqa.org/display/~buy-prednisone-without-no-prescription-online]Buy Prednisone without no prescription online[/url]

GOOGLE