محدش يتخض من العنوان دة مش علاء مبارك
دة علاء صاحب مدونة حكايتنا من دقايق كلمني و قلي انه مسافر
طبعا ممكن اللي فيكوا يقول طب و انا بكتب البوست لية
انا شخصيا مش عارف لية
ما كل الناس ليل نهار بتسافر و تسيب المدعوقة على عينها دي و تطفش
بس حسيت ان المشكلة جوايا
يمكن عايز اصارحكوا اني عمري ما شفت الواد علاء دة
و كبيري كان اني اشوف صورته على الفيس بوك و ياريتني شايف وشة دة كان مديني قفاه
بس اول ما قلي انه مسافر حسيت
بحالة شجن غريبة و حاله من الفقدان حسيت اني بفتقد حد يمكن حسيت كمان بطعم الوداع
المهم ان احنا كملنا كلامنا بضحك عشان ننسى الجو الحزين اللي سيطر علينا
بس بالرغم من كدة
كان لازم اعترف انك ممكن تحب حد من قلبك بجد من غير ما تشوفه و سجلوا علية دة اعتراف
جايز يكون البوست مالوش لزمة بس بفضفض معاكوا
يمكن اعرف الشباب عايزة اية
تسافر و لا تقعد
و مصر عايزة اية من ولادها
عايزنها تفضى يعني
-------------------------
------------------
12 comments:
ربنا يوفقه يارب
ويحقق كل الي بيحلم بيه
ويصبرك ويصبر الجميع علي فراقه
ومين عالم
اكيد في يوم هيرجع
تحياتي
شكرا يا شمس اوي شكرا بطه اوي بجد يا شمس انت متعرفش معزتك وكل اخواتنا المدونين اللي بنتكلم دايما اكيد هيجي يوم ونتقابل ان شاء الله كمان يا عم انا مش هربان ولا حاجه انا خارج ادور علي اكل عيشي ودي ارزاق وربنا مقسمها محدش عارف رزقه امتا ولا فين بجد
شكرا اوي علي البوست الجميل ده ادعولي بس
تحياتي
هو العيب فينا ولا في البلد ليه بنسافر و نسيبها ضعف ولا يأس لا هو ده الصح
ربنا يوفقه
اوعي تسافر انت كمان يا شمس
بنت الاسلام
ربنا يخليلنا دعواتك دي على طول و ربنا يوفقة يارب
hekaytna
ربنا يخليك يا علاء و انت متعرفش انا حبيتك قد اية و ربنا يوفقك و تبقى اغني واحد في الامارات
emy
لا متشليش هم انا قاعد فيها و مش ماشي
ما احنا هنا يا شمس ولا مش عجبينك طيب هنديك قفانا علشان نعجبك حلو ارتباط الانسان بانسان تانى شعور قليل فى الزمن المنيل ده
السلام عليكم
كنت اود الحديث مع إخواني
في ظروف أفضل من هذه
ولكن..
تدمي العيون لمرأي إخواننا وأهلنا في غزة
يموتون حصارا ورعبا وجوعا ومرضا ونحن صامتون ساكتون وبيدنا الكثير لنفعله
&&&&&&&&&&&&&&&&&&&&&&&&&&&&&&&
حسبنا الله ونعم الوكيل .. ياربنا نصرك الذي وعدت . علي مدونتي محاكمة تدوينية للحكام العرب
هممممممممممممممممم
جميلة جدا مشاعرك نحو صديقك العزيز المسافر
ييجي يالسلامة
:))
انا كمان عاوزة اسافر
appy
وجودك سعادة لينا طبعا و مصر منورة بيكي
بس على رايك زمن اغبر و منيل
صريح اوي
لا و الله اقرا لبوست الجاي تعرف ان احنا مش صامتون
و حسبي الله و نعم الوكيل
MerMaid
و تسافري لية البلد هتفضي علينا مش كدة انزل العتبة الاقيها فاضية دة انا يغمن عليا
Post a Comment