انا مش معاهم: حب كل اللي حواليك بصوت عالي

Monday, February 11, 2008

حب كل اللي حواليك بصوت عالي

الموضوع ده يا جماعة لقيته و عجبني جداً فحبيت إني أنقله ليكم

وعلى فكرة ده من على الفيس بوك مش مواقع ولا منتديات

علشان ملاقيش أي حد بيقوللي الكلام ده كلامي ولا الموضوع ده بتاعي

وأسيبكم بقى مع الموضوع

قبل ما تقرا الموضوع ده
ياريت
ياريت
ياريت
تحط في بالك إنسان
غـــالــــي عليك وبتحبه أوي
وتركز تفكيرك على الإنسان الغالي ده ..
بعدها تبدأ تقرا
عايزك تكون بروحك
و انت بتقرا الموضوع ده
واهم حاجة عايزك تقف مع نفسك وقفه صراحه
عايزك بكل أحاسيسك
اليوم انت معاه..
أرضك أرضه
وهواك هواه
اليوم هو منك قريب
تقوم انت تسألني
أنا أقصد مين؟؟
اقصد....
حبيبك
حتى لو ما بتشوفهوش و على الأقل بتوصلك أخباره
بعد النهاردة ... تخيل لو مرة بس ... انه ...
رحــــل ....
فجأة وبدون سابق إنذار ...
اختفى من الدنيا
ابتعد ...
وراح لبعيد ...
بعيـــــــــــــــــــــــد ...
و مستحيل يرجعلك..
راح لمكان مفيش منه رجوووع ...
بتتخيل معايا صح ... ؟؟؟
راح لمكان الكل هيروح له ...
خلاااااص ...
رحل غصب عنك..
و أخده المووووووووووووووت ...
وخلاااك ...
إنت دلوقتي وحيد ..
تايه ..
حاير ..
متألم ..
مصدوم ..
تقدر تتخيل في اليوم ده
حالك حايكون عامل إزاي؟
بتصرخ؟؟
بتصيح ؟؟؟
و إلا من الصدمه بتسكت وقلبك من داخلك جريح .. ؟؟؟
حياتك بتمضي أكيد ....
بس !!! من دونه ...
إيامك بتعيشها صح ...
لكـــــــــــــــــــــن ...
بدون صوته ومن دون ما تشوف عيونه ....
تخيل إيه اللي ممكن تفقده ؟؟
صوته
حبه
حنانه
ابتسامته
عطفه
شوقه
ملامه
طيبته
حزنه
قسوته
عناده
غباؤه
براءته
هزاره
مفاجآته
قلـــبه
كــــــــــــــله ... ؟؟
تخيل إيه اللي ممكن تخسره ؟
حلمك
شمسك
بدرك
ليلك
عمرك
قلبك
كلك .. ؟؟
يا ترى بتلوم نفسك
لانك في يوم قسيت عليه؟؟
يمكن جرحته ولا راضيته ؟ أو
أو حتى يمكن في يوم نسيته؟؟
بس ما يفيد ندمك اليوم ...
هو خلاص راح الى حيث لا رجوع
وخلاك تتحسر على كل كلمة ضايقته
هو حبه ليك ما كنش شويه؟؟
كتيييييييييييييييييييييييييييييييييييير هو حبك
وانت قسيت عليه ...
اليوم حسيت بحبه .. وعايزه النهارده جنبك ..
و عايز تعوضه عن كل حاجة
بس تلقى نفسك عاجز .. وندمان
كل اللي قولناه ده مجرد تخيل
الفرصة قدامك و
هو جنبك اليوووم ...
حــــاول تحبه كل يوم..
حب كل إنسان غالي على قلبك..
يمكن ما تشوفه بعد اليوم..
قوله .. بحبك ....
ولا تنسى انه لسه بيحبك وبيمووت فيك ...
قول بحبك
لكل إنسان غالي عليك
صديقك
أو
صديقتك
زوجك
أو
زوجتك
أو
حبيبك
روح قوله انك بتحبه و ما تخبيش عليه
لأنه النهاردة معاك لكن بكرة ؟؟؟؟؟؟؟؟؟؟
يمكن ما يجيش عليه بكره

ياريت يكون الموضوع عجبكم مع تحياتي ليكم جميعاً

NOSHA

ـــــــــــــــــــــــــــــــــــــــ

12 comments:

ابو النجوم said...: نوشا
انت مكشوف عنك الحجاب يابنى تصور انك بتكتب كلام كان لسة على لسانى روح شوف مدونتى فى مكتوب وانت تعرف ان كل كلمة قلتها هنا صح وجت على الجرح
عادل نجم; February 11, 2008 at 3:59 PM
فوضى منظمة said...: سلام عليكم
أولا هذه اول مرة ازور المدونة .. وان شاء الله هكررها .. بصراحة من خمس دقائق وقدرا كنت مستلقي على السرير أفكر في اليوم الذي سأفقد فيه أمي .. هو أت لا محاله .. لكن أمي احب الناس الي .. معرفتش انام .. فقمت اقعدت على الكمبيوتر .. فلقيت الموضوع ده .. منذ فتره .. افتقدت خالتي .. ولأول مره أشعر بألم الفراق .. فهذا ما جعلني أفكر في اليوم الذي سأفارق فيه أمي .. ربنا يرزقنا الصبر أجمعين .. معلش تعليقي كان فضفضه .. بس التدوينة دي قوية بجد .. بارك الله فكم; February 11, 2008 at 7:21 PM
Anonymous said...: كلام فى الصميم كلام زى الفل انا بحبك يانوشه
عمر الشرقاوى; February 11, 2008 at 9:08 PM
حياة تستحق الانقاذ said...: لن تتحرك الأرض من أجلك لتعيد لك أحباءك ، ولكنها ستمدك بكل خيراتها لتحقق ما تصبو إليه في رحلة حياتك
حدد ما تريد تحقيقه في هذه الرحلة ...،وتخيله بحيوية ، ثم إبدأ بالعمل على تحقيقه ، وحوّل أفكارك إلى واقع ملموس
ضع قاعدة في غرفة نومك وفي سيارتك وحتى مكان عملك وقبل كل ذلك ضعها في رأسك
...لا توجد أحلام مستحيلة
...ولكن المستحيل أن يعود من فقدناه يوما
...فعش حلمك
...واستمتع بالحياة

أم المييس; February 11, 2008 at 10:15 PM
nosha said...: أبو النجوم
توارد الأفكار ده بيدلل على معزتك وغلاوتك عندي وربنا يخليك يا أبو النجوم ....... ومش عايزك تضايق نفسك الحمد لله على كل شيء قدر الله وماشاء فعل
نورت وشرفت المدونة يا أبو النجوم
تحياتي ليك جدا; February 12, 2008 at 2:02 PM
nosha said...: SHAHEENSHY...فوضى منظمة
أشكرك على زيارتك الجميلة وتعليقك الجميل الصادق ,احييك على الفضفضة بتاعتك وربنا يخلي لينا كل عزيز وغالي علينا وعلى قلوبنا يارب
ومستني زياراتك القادمة
تحياتي ليك جداً; February 12, 2008 at 2:05 PM
nosha said...: عمر الشرقاوي
ربنا يخليك يا عمر أتمنى دائماً إن كلامي يعجبك ويعجب الناس كلها وربنا يديم المعروف والحب بيننا يا عمر يارب
تحياتي ليك; February 12, 2008 at 2:06 PM
حسن مدني said...: والله يا صاحبي كلام جميل ومؤثر جدا..

تحياتي; February 14, 2008 at 9:10 AM
فارس الأزهر .. معاذ فتحى said...: جزاكم الله خيرا على المدونه الرائعه
وبوركت تلك السواعد المباركه
وتقبل مرورى
أخوكم
شاعر مبتدئ .. فارس الازهر; February 14, 2008 at 12:43 PM
بنت الاسلام said...: نوشة وانا بقرا البوست الرائع ده

افتكرت نينا الله يرحمها جدتي يعني افتكرت اد ايه هي كانت بتحبنا قوي افتكرت ايامها الاخيرة افتكرت لحظة ماعرفت انها ماتت افتكرت لحظة ماكشفت عنها وهي ميتة الغطا وبوستها افتكرت لحظة ماوقفوا يغسلوها لحظة ماكفنوها وكانت اصعب لحظة لما نزلوها من البيت خلاص مشيت كنت امبارح بأكلها بايدي لكن النهاردة خلاص مش لاقياها قدامي
الله يرحمك يانينا

كانت ايامنا بيكي بركة وبعدك راحت من قلوبنا حتي الفرحة اسفة لو افتكرتها وحزنتكم في عيد الحب الي اصله كله فرحة

كل سنة وكل قلب بيحب طيب

تحياتي

واسفة علي الاطالة; February 14, 2008 at 2:52 PM
Anonymous said...: اليومـ معك وغـدآ...لا أدري أينـ... بكـَ اكونـ و بدونكـ لا أدري سأكون ..او لا أكون

جميعنا لن نكون منغير من نحب

دمت بود

روري; February 14, 2008 at 5:39 PM
ميرا ( وومن ) said...: مش عارفة اقول ايه بس بجد اول ما فكرت في الناس اللي بحبهم وانهم ممكن يحلهم كدا حسيت قد ايه بحبهم وبخاف عليهم الكلام ده صح مية في المية ياريت كل واحد بيحب يحاول يحتفظ بأحبابة جبنة دايما وهو اللي يبتدي ميستناش مقابل
مقال رائع
تحياتي; April 29, 2008 at 5:05 PM