كنا قد وعدناكم انا و حبيبي و صديقي نوشة
ننقلكم اية اللي هيحصل في لقاء المدونين الجميل جداً ثالث يوم العيد
ابدء بقى احكيلكوا
و هرفعلكوا الصور قريب
المهم قبل ما احكي ان المدونة الرائعة
انا قبلت التاج بتاعها على مصري للنهاية
و قبلت كمان دعوتها يوم الجمعة و هي عارفة انا بتكلم عن اية بس ربنا يسهل و نوضب مع بعض
احكيلكوا بقى
الاول اتقابلنا انا و نوشة الساعة الرابعة بعد ما غلبني كل شوية اصحيه من النوم
و اول ما شاف وشي قلي عايز اشرب قهوة
كأني قهوجي
و بعدين رحنا التحرير في إنتظار باقي المدونين
و واحدة واحدة
ظهر المدونين المنضبطين في موعيدهم و الغير منضبطين
أقلكم إزاي
أولاً:ــ حضرت المدونة الفكر السجين
و دقايق و حضرت كلمات تائهة
و وقفنا في الانتظار
قد إيه بقى كتيييييييييييييييييييييييييييييييير اوىىىىىىىىىىى
حتى حضر
انا بحبك يا مصر - الجيزاوي و معه ضياء و حسن
قلنا فرجت و هتبدأ تندع شوية و جة حبيب قلبي مارو بيفش غليله
و بدأنا نقرر هنروح فين و طبعاً ترددنا كتير اوي خاصة بقى ان الشاعر
فضل يقلنا على الموبيل قدامي 10 دقايق
لمدة ساعة
المهم بعد اعتذار سكوت هنصوت عن الحضور
قررنا نروح البورصة و روحنا قعدنا هناك و كان معانا
تامر حنتكلم
و قعدنا نهرج و نضحك لحد ما الشاعر جه و قلك نتكلم بقى كلام ثقافي و حاجات كتير اقلكوا انا هسيب المايك مع نوشة يكمل و يحكي اكتر كان معكم
من القهوة
--------------------------------------
والله وبصراحة كده إحنا من ساعة لما جه الشاعر والقعدة اتقلبت
من ضحك وهزار وفرفشة
إلى ساحة معركة كبيرة
والشاعر رأسه وألف سيف إننا نطلع بفكرة ومعلومة من القعدة
واللي جاي عليه إننا نعمل نقطة نظام
وعملنا نقطة النظام وتولى الجيزاوي و شمس الحوار
وعينكم ما تشوف إلا النور
دخلنا في نقاشات حادة مع بعض وحوارات ساخنة
وبالأخص من تامر والشاعر وبعدين دخل مارو في المشادة وكمان دخلت إيناس
وأنا بصراحة كنت ساعتها قافش الجيزاوي ونازلين ضحك وملناش دعوة بأي حاجة
بس بصراحة أنا اللي عملت كده لإن الجيزاوي كان عايز يسمع ويتناقش وأنا خليته ينفض
المهم بدأنا نخلص الكلام وراح الشاعر مدينا أغنية كلماتها جميلة جداً صحتني من النوم
وبدأت المشادة تقل واحدة واحدة
وأستأذن تامر ومشي وراح معاه منذر يوصله
وبدأنا تاني نهرج ونضحك من جديد
أستأذنوا البنات علشان يمشوا هما كمان أصل الوقت كان اتأخر عليهم
وصفصفت القعدة على
شمس ــ نوشه
الجيزاوي ــ منذر
مارو ــ الشاعر
ضياء ــ حسن
وقلنا بقى نقوم نروح ناكل واقترحنا إننا نروح مطعم آخر ساعة
ولما رحنا عند المطعم استأذن
ضياء وحسن
واشترينا بطاطس وديناميت وقعدنا على القهوة
كلنا وبعد كده جالي تليفون وأستأذنت أنا وشمس
بس بصراحة يا جماعة اليوم كان جميل جداً
وأجمل ما في اليوم إننا كنا صحبة جميلة متآلفين ومتجانسين مع بعض
من غير أي مشاكل أو خلافات أو أي مصالح
ربنا يدمها علينا يارب
كمل معاكم بقيت الحوار
NOSHA
................................................
26 comments:
ربنا يجعلكم صحبة خير دايما
وعيد سعيد عليكم
وحقيقي بحسدكم
بس هو استفسار صغير من نوشة
نوشة بعد اذنك
ماهو
الديناميت
تحياتي
بنت الاسلام
صور ايه
ماتفقناش على كده
وبعودة الأيام
بس من غير فضايح الله يخليكم
شاطرين ...شاطرين
رعبتونى ربنا يسامحكم
يلا كل سنة وانتم طيبين
تم افتتاح اتحاد المدونين العرب على هذا الرابط
www.arabub.blogspot.com
شكرا لاشتراككم
الأخت بنت الإسلام
باين عليها قلقت من الديناميت
الله يجازي شيطانكم
خايف امريكا تعلن الحصار ع المدونة ولا حاجة
ولا الحكومة تتهمنا بحيازة متفجرات وتكدير الأمن والسلم الاجتماعى
والعمل على قلب نظام الحكم
إلحق وشيل الكلمة ده
وبلاش صور
علشان مانلبس احراز ولا حاجة
بنت الاسلام
ربنا يخليكي يا بطوط
و ان شاء الله المرة الجاية تبقى معانا
و اسيب نوشة يرد عليكي
Monzer
مات تقلقش يا منذر مفيش فضايح
سارة
كل سنة و انت طيبة يا سارة و بعودة الايام
داليا عز
هشارك فية حاضر
Monzer
هتودينا في داهية بكلامك دة
ديناميت اية
متخليناش بقى نقول على الكببيرة
يااااااااااه كل ده حصل ؟
و لا حد قالى حاجه
لى كلمة واحدة تعليقا على هذا الاحتفال
ليتنى كنت معكم وان كان فارق السن كبير إلا أننى اتمنى أن يعود بى السن فأفعل كما تفعلون فيابختكم
مع اطيب امنياتى
مارو حبيب قلبي
إطلع من دول بس ده إنت اللي كنت منور القعدة ... وعامل نفسك مش واخد بالك ... بس مش مشكلة يلا بقى
NO PROBLEM
ان شاء الله تبقى معانا قريب و نشوف حضرتك
يعني اقر عليكم وانفسن بقى ولا ايه
كل سنة وانتم طيبين
ودايما متجمعين على السعادة
ربنا يديمها نعمة عليكم
بس صحيح الحق شيل
الديناميت
انا سمعت ان في لجنة جاية
تفتش عندكم
سمعت عن صور في التعليقات
فين الصور؟
هاي ازيك يا نوشه عامل ايه بعد اللي انا قريته دلوقت انا اقدر اقول لك انا مش معاهم بس يا ريتني كنت معاهم ياريت متنسونيش والنبي خصوصا لو فيها اوكي
بسم الله الرحمن الرحيم
تم ارسال دعوة على بريدك الالكترونى للتدوين داخل مجتمعنا الاتحادى
اتحاد المدونين العرب
رجاء تفعيل الرابط والدخول لحسابك ثم ابدأ بنشر تدويناتك
www.arabub.blogspot.com
وشكرا على تواصلك معنا
ما علينا
كل سنة وأنتي طيبة وربنا يخليكي لينا يارب ويخلي لينا تعليقاتك وزياراتك الجميلة وياريت بقى تفكري إنك تكوني معانا في يوم من الأيام دي علشان تنورينا وتشرفينا
تحياتي ليكي جداً
حكايتنا
نورت المدونة ومستنيين منك إنك تكون معانا ونتقابل وتعوضها المرة الجاية
إتحاد المدونين العرب
الدعوة وصلت ... وشكراً لتعاونكم
يابنى انا معدش بفش غليلى
انا غيرت الاسم ارجو ان تصلحه
بئه جيم اوفر
معدش كلام و فش غليل عاوز ادخل المره القادمه اجدك مغيره فى البوست و كمان فى اللينكات بدل ما امد ايدى
انا خذرت
الله يا بختكو كان نفسى أبقى معاكو أوى
أن شاء الله المره الجايه
شكل القعده كانت جميله
في القلب
أولاً حمد الله على السلامة ووحشيناً جداً والله والقعدة فعلاً كانت حلوة ولو كنتي معانا كانت هتبقى أحسن وكنا مفتقدينك جداً
تحياتي ليكي
ياااه..وليه كده يا مارو مقلتليش اجي..ماشي يا مارو..تمنعني عن القعدة الحلوة دي كده ..صحيح ابويا كان لسة جاي من المستشفى بس برضه كنت اعملك منظر..ربنا يديمها عليكو قعده0
أحمد المصري
انت فين يا عم مش باين
على العموم القعدة الجاية نقلك
نوشه عامل ايه يا عم محدش بيشوفك ليه يا راجل بعد القنبله بتاعة الكرنك اختفيت هههههههههههههههههههه
تحياتى يا ريس
Post a Comment