هو فية اية...... استنوا بس...... يا عم انت و هو
اه........ يا كابتن مين دول
خلاص انا همشي معاكوا لوحدي
طب انتوا وخدني على فين ............بالزوق طيب
طب احنا هنا فين
استنا بس يا عم............ المبني دة بتاع اية
طب انا مبحبش الاماكن المظلمة ..............يا استاذ يا استاذ
هو : اهلا يا عم الوطني
شمس : ممكن اعرف انا هنا لية و سيادتك مين
هو : انت هنا لية? انت اللي هتقول ............سيادتي مين?........... انا اللي هسألك و انت اللي هتجاوبني
شمس : طب و اية لزمة الكلام دة كله يا بية و شد و جذب و نزلتوني من البيت مبهدل طب ما تقولولي و انا اجي لوحدي
هو : و اديك جيت
شمس : طلباتك يا باشا
هو : اللي عندك قوله انت تبع مين و بتشتغل لحساب مين
شمس : نعم
هو : تبع مين و بتشتغل لحساب انهى منظمة
شمس : منظمة مين..... فين..... اللي هو اية ..... يعني لية
(طاخ )
( ااّه )
شمس : اية يا باشا احنا فينا من كدة هي البهوات دول كمان بيضربوا انا فاكرهم واقفين بس طب اية طلباتك يا بية
هو : مين اللي مشغلك يا روح امك
شمس : هو انا لو لقيت حد يشغلني كنت بقيت عاطل
طاخ طاااااااااااخ اااااااااااااااّه اااااااااااااااّه
استنى بس هقلك بس اااااااّه اااااااااااااّه
يا عم اااااااااااااّه
قفايا مش قادر
يا بية انا هتكلم
هو : عايز تقول حاجة يا شمس
شمس : شوف سيادتكم اللي عايزني اقوله و اكتبه و انا امضي من سكات
هو : ايوة كدة اكتب يا بني و قد اعترف المتهم بجميع جرائمه و تخطيطة للانقلاب على ...........و تكوين ......... و عمل
شمس : و النبي يا بية استنى لحظة مين بن الكلب اللي اعترف بالكلام دة
هو : انت يا شمس
شمس : بس انا مش كدة دة انا مش مطلع عيني غير حبي للبلد دي
هو : هتغلبنا تاني يا شمس
طاخ طاااااااااااخ اااااااااااااااّه اااااااااااااااّه
طاخ طاااااااااااخ اااااااااااااااّه اااااااااااااااّه
طاخ طاااااااااااخ اااااااااااااااّه اااااااااااااااّه
طاخ طاااااااااااخ اااااااااااااااّه اااااااااااااااّه
طاخ طاااااااااااخ اااااااااااااااّه اااااااااااااااّه
اااااااااااااااّه اااااااااااااااّه اااااااااااااااّه اااااااااااااااّه
اااااااااااااااّه اااااااااااااااّه اااااااااااااااّه اااااااااااااااّه
ماما : يا شمس يا شمس مش هتصحى يا حبيبي عشان تنزل مشوارك
شمس : قفايا سيبوني
ماما : يا شمس قوم في اية مالك
شمس : اه كابوس فظيع اوي يا ماما حلمت كاني و لا اقلك انا اكتبه بوست و ابقى اقرية.............. على فكرة انا مش معاهم
38 comments:
الف سلامه علي قفاك يا شمس و انت راجل يا ابني انك استحملت كل ده
الحمد لله انه طلع حلم بس حتي في الحلم لمض و مش معاهم
وحشتنا متتأخرش علينا تاني
صحى النوم يا شمس بس على فكرة دامش حلم دا شكلة حقيقة وحصلتلك ههههه بس هنعديها بس بجد ضحكتنى يارب بقى نصحى من الحلم دة ونفوق على حقيقة مفيهاش كل دة يارب قولوا ورايا أمين
ايه دا دا كله
ومستحمل الله يكون فى العون
الحمد لله انه طلع حلم
وبوست جامد ياشمس
معاهم م شعاهم
هاتنضرب يعنى هاتنضرب
شمس
صحي النوم
ومش مهم دي يكون حقيقه ولا حلم
بس ابقي اتغطا وانت نايم كويس
وفي الاخر اقلك ان البوست جامد جدا
اعترف ياشمس
الانكار مش هيفيدك
معاهم مش معاهم
هتشوف الي عمرك ماشوفته
ومش هتقدر
تغمض عنيك
في ناس كدة ياشمس من اولياء الله الصالحين يحلموا الحلم من هنا مايفوتش اسبوع الا ويتحقق
وانا قلبي بيقولي ان قلبك ابيض وزي الفل وبينك وبين ربنا عمار
ربنا يستر
بس الي مش قادرة افهمه
انقلاب ياشمس
انقلاب مرة واحدة
ليه كدة يابني بس
هو في اجمل من نظامنا المحترم
الي مقعدك في بيتكم واكل شارب نايم وخلي بالك من كلمة نايم ديه ماهو مش اي نوم
مش بلله عليك
تفضل عاطل احسن
شغل ايه ياعم
خلي بالك بقي من نصيحة اسلام
ماشي
اختك بطة
حاسب يا شمس على قفاك
يبني ده الداخل مفقود والخارج مولولد
واحنا ناس طيبين
وهما أصلاً مش محترمين
وقفانا هايورم وحياتك
خلي بالك على قفاك
ده أستاذنا محمود عبد العزيز غنالوه
أه يا قفا يا قفا قفا
ربنا يسترها على قفاك ................وقفانا
حمادة زيدان
فلتحيا الرومانسية
أفتقدناها ونسيناها من ولاد الأحابي , خلونا مش فاكرين غير أمن الدولة والمظلموين إللي فيها
ربنا يريحنا منهم
حمادة زيدان
اشك انى دة حلم بس ابقه اتغطه كويس
احمد الجيزاوى
شمس عوزنك معانه فى الجروب دة وحول تدعو اصدقائقك بردة
http://groups.yahoo.com/group/egypt10/
احمد الجيزاوى
emy
حشينا جدا جدا فينك مش بتباني على فكرة اللماضة دي في دمي
حتى في الحلم
الفكر السجين
اااااااااااااااااامين
يارب
بس بقلك اية فكرينا لو لسة نايمين نقف جنب بعض
موان زهقان
الحمد لله ان دة كله مش على قفايا
ربنا يخليك على تعليقاتك الحلوة
monzer
دة انت حالف و عارف اني مضروب مضروب
لا مجال للشك
الله ينور
اسلام
لا مهم حقيقة و لا حلم
و ابقى ابعتلي غطا
انتي بتفولي علية يا بطة
انا قلبي بيقلي انك بتفولي علية يا بطوط
انقلاب اية يا بنتي هتودينا في داهية
انا اقدر اعترض على النظام دة حنين علية اكتر من امي
و هتغطي بردة
حمادة زيدان
اه يا حمادة شفت اهم حاجة في الجسم هتتهان
ربنا يقوينا و نحافظ على القفا
حمادة زيدان
فكرتني بالفن و الشعر
راجعلهم
يا جيزاوي بلاش انا و انت في الغطا
جيزاوي
انا وصل الجروب
هههههههههه ضحكتني والله شمس حتى في الاحلام مش سايبين قفاك احمد ربنا انك لسه في مرحلة القفا المشكله انه قفاك ممكن يدمن كده
احمد ربنا ان مامتك صحتك
والحكاية جات عالقفا بس
صال شعار مصر الجديد بقى
خد بالك من قفاك
ربنا يريحنا منهم بقى
هى ده بقت الاحلام
والحقيقة كمان
السلام عليكم
حلو قوي كده
دي أخر مرة أدخل المدونة دي
صباح الخير
هههههههههههههههههههههه
صح النوم يا شمس
ربنا يحميك من العسكر و شرهم
و الحمد الله أنه حلم
ربنا يوفقك يا شمس
اللهم اجعله خيييير
غطي رجليك وقفاك وانت نايم الواحد مش ايه اللي يحصله
دا القفي دا بيستحمل كتير علي راي محمود عبد العزيز
تحياتي
hekaytna
لو قفايا ادمن كدة تبقى مشكلة
زيارة جميلة اوي يا حبيبي و تعالى تاني
سارة
تخيلي لو ماما ما صحتنيش يا خبر
على رايك حلم المصريين
No Fear
لية كدة يا حمادة دة احنا حبايب
coca
اية مشكلة القفا مع الزوار و لا دة توقع
في القلب
ربنا يارب يخليكي لينا و لكل المدونين
ليك تاج عندي يا شمس باشا الحقه قبل ما يطير
شمس
ابقى اقفل الشباك قبل ما تنام عشان الشتا داخل وبيجيب هوا يخلى الواحد يحلم الكوابيس
واتسحر بدرى برده ومتنمش بعد السحور على طول
تحياتى يا شمس
بس حلوة حتة لاقيت حد يشغلنى ومشتغلتش
انت كمان هتتلاامض على الباشا؟؟؟؟؟؟؟؟
:p
يا راجل انا افتكرتك اتمسكت بجد
اتخديد عليك بس قولت ازاي يحصل كدة و يدون ,, اكيد في ان ,, و طلع حلم
EmY
و الله هلحقة يا جميل
Hadota .. حدوتة
و الله نصايحك كلها مقبولة
هشام رمضان
يخليك لية و تتخض علية على طول
السلام عليكم
مدونتك حلوه ماشاء الله
مشكور
اخوك ابوجلال المصرى
الف سلامه على قفاك وقفى كل مصرى من دول ظالمه ربنا يسهلها وتيجى ناس تحترم قفانا ولو فى الحلم
Post a Comment